Մսի թանկացումը գյուղնախարար Իգնատի Առաքելյանն այսօր նախարարությունում հրավիրած ասուլիսում բացատրեց ոչխարի մսի արտահանման ավելացմամբ, խոզի մսի` միջազգային շուկայում գնի բարձրացմամբ եւ տուրիզմի աճով. «Ռեստորաններում մսի պահանջարկն ավելացել է, բայց արդեն նկատվում է տուրիզմի սեզոնի անկում՝ մսի պահանջարկը կնվազի»: Ըստ նախարարի, ոչխարի միսն արտահանվել է Իրաք, Քաթար:
Նախարարի խոսքով, պետք չէ «պանիկա» ստեղծել, քանի որ շուկան ինքն է կարգավորում գները: Ըստ նրա, արտահանումը կբերի անասնաբուծության ավելացման, գյուղացին էլ ավելի բարեկեցիկ կապրի:
Ինչ վերաբերում է տավարի մսին, նախարարն ասաց, որ գյուղացիների հետ շփումներից պարզել է, որ տավարի միսը չեն թանկացրել: Ինչ վերաբերում է կերի պակասի հետեւանքով զանգվածային մորթ իրականացնելուն, ապա նախարարն ասաց, որ նման բան տեղի չի ունենա, քանի որ գյուղացիները գիտեն՝ կերը որտեղից հայթայթեն, իսկ եթե չկարողանան, գյուղնախարարությունը կխառնվի եւ միջոցներ կձեռնարկի գյուղացուն օգնելու:
Նախարարն անդրադառնալով գյուղատնտեսությունում արձանագրված 24 տոկոս անկմանն, ասաց, որ պետք է չշտապել եզրակացություններ անել, քանի որ տարեվերջին ավելի հստակ կլինի` որ ոլորտում աճ կա, որ ոլորտում անկում:
Մանրամասները` տեսանյութում
Լուսինե ԲՈՒԴԱՂՅԱՆ
