Շիվանման էվկալիպտը՝ նիվենին կամ տենդածառը բժշկության մեջ բավական հայտնի է: Էվկալիպտի տերեւներն ու յուղն օժտված են հականեխիչ, հակամանրէային, հակահազային ազդեցությամբ: Հաջողությամբ կիրառվում է վերին շնչուղիների ռեսպիրատոր եւ բերանի խոռոչի բորբոքային հիվանդությունների, պաստիլների, լոզանների, կաթիլների, քսուքների, կրեմների ձեւով:
Վերին շնչուղիների ռեսպիրատոր հիվանդությունների, մրսածության, հարբուխի, հազի ժամանակ խորհուրդ է տրվում էվկալիպտի 3 գրամ եթերայուղին ավելացնել 10 միլիգրամ ձիթապտղի կամ արեւածաղկի յուղ, 2 միլիլիտր 96 տոկոսանոց բժշկական սպիրտ, թափահարել: Կաթեցնել մաքուր քթանցքներին 2-3 կաթիլից՝ օրը 3 անգամ:
Կարող եք նաեւ 5 գրամ մանրացված տերեւներին ավելացնել 300 միլիլիտր եռման ջուր, թրմել մինչեւ սառելը: Ընդունել թեյի ձեւով՝ 1 ճաշի գդալ մեղրի հետ:
Բերանի խոռոչի բորբոքային հիվանդությունների՝ լարինգիտ, ֆարինգիտ, գինգիվիտ, ստոմատիտ, ժամանակ 15 գրամ մանրացված տերեւներին ավելացնել 250 միլիլիտր եռման ջուր, կափարիչով ծածկել, տաքացնել ջրաբաղնիքի վրա 15 րոպե, սառեցնել սենյակային ջերմաստիճանում 45 րոպե: Կատարել ողողումներ գոլ վիճակում՝ օրը 3-4 անգամ:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
10.10.2017
