Այսօր ԱԺ ճեպազրույցների ժամանակ ՀՅԴ խմբակցության քարտուղար Աղվան Վարդանյանն անդրադարձավ առանձնակի դաժանությամբ սպանության համար ցմահ ազատազրկման դատապարտված Մհեր Ենոքյանին: Նա ասաց. «Մհեր Ենոքյանը արդեն 21 տարի բանտում է, երկու անգամ փախուստ է կատարել, մեկ անգամ՝ փախուստի փորձ: Այս տարիների ընթացքում առաջին անգամ դատարանում փոքր հաղթանակ է ունեցել եւ դա պայմանավորվում է նաեւ տվյալ կոնկրետ դատավորի մարդ լինելով: Հավատում ենք ի վերջո, որ նրա ճակատագրում փոփոխություն կլինի»:
Աղվան Վարդանյանի գնահատմամբ՝ սա մեր դատական համակարգում սկսված փոփոխությունների ազդանշանն է. «Մեր հիմնարար փոփոխություններից մեկը, որ կատարել ենք, դատական համակարգը անկախ դարձնելու սահմանադրական, օրենսդրական մեխանիզմներն են: Հաջորդ տարի մենք կունենանք այլ դատական համակարգ՝ ոչ կախյալ: Մնացածը կախված կլինի հասարակությունից, դատավորների որակից: Բայց որ արդեն դատարանները ոչ թե ֆորմալ առումով, այլ իրականում անկախ են դառնալու՝ դա է հիմնական փոփոխությունը եւ սա ՀՅԴ-ի քայլերից մեկն է, որ համատեղ արել ենք՝ Սահմանադրական փոփոխությունների ժամանակ»:
Հռիփսիմե ՋԵԲԵՋՅԱՆ
Իսկ մհերը մարդասեր էր, կատարել է, թող պատասխան տա, պետք չէ մարտիրոսւթյւն անել