«Ամեն ազգ էլ ինքնորոշվելու եւ պետություն դառնալու իրավունք ունի»
Aravot.am-ը իր ընթերցողներից հետաքրքրվել էր, թե ինչպես են վերաբերվում Իրաքյան Քուրդիստանի եւ Կատալոնիայի հանրաքվեներին: Հարցման մասնակիցներին առաջարկվել էր պատասխանների վեց տարբերակ. «ի՞նչ հանրաքվե, տեղյակ չեմ», «բացարձակ անտարբեր եմ», «հանրաքվեով դեռ ոչինչ չի որոշվում, ապագան ամեն ինչ ցույց կտա», «Քուրդիստանինը Կատալոնիայի հետ մի համեմատեք», «լավ, ամեն ազգ էլ ինքնորոշվելու եւ պետություն դառնալու իրավունք ունի», «վատ` աշխարհում քաոս է սկսվում»:Եվ այսպես՝ հարցման մասնակիցների 3 տոկոսը հանրաքվեների մասին տեղյակ չի, 6 տոկոսը բացարձակ անտարբեր է, 12 տոկոսը համարում է, որ Քուրդիստանը պետք չէ համեմատել Կատալոնիայի հետ: 15 տոկոսը կարծում է, որ հանրաքվեով դեռ ոչինչ չի որոշվում. Ապագան ամեն ինչ ցույց կտա, 18 տոկոսն էլ վատ է վերաբերվում հանրաքվեներին. Աշխարհում քաոս է սկսվում:
Իսկ հարցվածների մեծամասնությունը՝ 46 տոկոսը, դրական է վերաբերվում՝ համարելով, որ ամեն ազգ էլ ինքնորոշվելու եւ պետություն դառնալու իրավունք ունի:
Ա. ՉԻՉԱԿՅԱՆ
«Առավոտ»
07.10.2017
