Այսօր Կինեմատոգրաֆիստների միության համագումարն է, որի ժամանակ կինոյի գործիչներն իրենց միության նախագահ են ընտրելու։ Գուցե այս պաշտոնն այդքան գայթակղիչ չլիներ, եթե միության հաշվեհամարին դրված մեկ միլիոն դոլար գումարը չլիներ, որը ժամանակին գոյացել է Կինեմատոգրաֆիստներին պատկանող գույքի վաճառքից եւ այլ գործարքներից։
Ամեն դեպքում՝ կինոգործիչները շատ ավելի շահեկան վիճակում են հայտնվել, քան մյուս ստեղծագործական միությունների անդամները։ Եվ նման ապահովված միության նախագահի պաշտոնն էլ համեղ պատառ է, որին ձգտողների պակաս թերեւս չի լինելու։ Ըստ այդմ՝ պայքարը թեժ է լինելու։ Նախահամագումարյան շրջանն էլ անկիրք չէր՝ պոտենցիալ թեկնածուների ասուլիսներ, հարցազրույցներ, ասեկոսեներ, ինտրիգներ, քարոզչություն, «ընտրողներին» իրենց կողմը գրավելու փորձեր։ Այսպես են ընթացել բոլոր ստեղծագործական միությունների համագումարները, որոնց ժամանակ ընտրություններ են կայացել։
Արմինե ՕՀԱՆՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
