Թեյը եւ նրանից ստացվող պատրաստուկներն օժտված են խթանող, միզամուղ, հակաօքսիդանտ ազդեցությամբ: Բացի այդ, ֆլավանոիդների՝ ռուտինի բարձր պարունակության շնորհիվ ամրացնում են մազանոթները, բարձրացնում արյունատար անոթների էլաստիկությունը, լավացնում արյան մազանոթային շրջանառությունը: Չինական թեյը, որը հայտնի է որպես կանաչ թեյ, կիրառվում է նաեւ փորլուծության, Չինաստանում՝ դիզենտերիայի տարբեր տեսակների ժամանակ: Կանաչ՝ հում, չմշակված թեյը իր հատկություններով մոտ 20 անգամ ավելի օգտակար է, քան սեւ թեյը: Այն ունի թարմացնող, երիտասարդացնող, միզամուղ, հակաօքսիդանտ, հակավիրուսային, հակաուռուցքային, հակաբորբոքային ազդեցություն:
Որպես թարմացնող, խթանող, հակաօքսիդանտ միջոց պատրաստելու համար հարկավոր է 1 թեյի գդալ տերեւներին ավելացնել 200 միլիլիտր եռացրած տաք ջուր, ծածկել կափարիչով, թողնել 45 րոպե, հետո տաքացնել ջրաբաղնիքի վրա 5 րոպե: Ընդունել օրական 1 բաժակ, քաղցրացնել մեղրով:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
06.10.2017
