Ստամոքս-աղիքային տրակտի գալարակծկանքի՝ սպազմի ժամանակ ժողովրդական բժշկության կողմից առաջարկվող բազում արդյունավետ միջոցներից է սովորական ռոզինայով՝ հոռոմսամիթով պատրաստուկը: Անհրաժեշտ է 2 ճաշի գդալ պտուղներ, որի վրա ավելացնել 1 բաժակ եռման ջուր, թրմել 30 րոպե, քամել: Ընդունել 1/3 բաժակ՝ օրը 3-4 անգամ՝ ուտելուց առաջ:
Հոռոմսամիթով մեկ այլ պատրաստուկ էլ շատ օգտակար է կերակրող մայրերի համար՝ որպես կաթնարտադրությունը խթանող միջոց: 2 ճաշի գդալ պտուղներին ավելացնել 1 բաժակ եռման ջուր, տաքացնել ջրաբաղնիքի վրա 30 րոպե, սառեցնել սենյակային ջերմաստիճանում 10 րոպե: Ընդունել 2-3 ճաշի գդալ՝ օրը 3-4 ամգամ՝ ուտելուց 20 րոպե առաջ: Այս պատրաստուկը նաեւ օգտագործվում է որպես խորխաբեր միջոց:
Պատրաստեց
ԱՆՈՒՇ ՄԱԹԵՎՈՍՅԱՆԸ
«Առավոտ»
04.10.2017
