Պետեկամուտների կոմիտեի նախագահ Վարդան Հարությունյանն այսօր լրագրողների հետ հանդիպման ժամանակ ասաց, որ տարին սկսել են ՊԵԿ-ում կառուցվածքային փոփոխություններով: Ըստ Հարությունյանի, լուծարվել են հարկային տարածքային տեսչությունները, փոխարենը ստեղծվել են 3 վարչություններ, որոնք ներառվել են կոմիտեի աշխատակազմի ստորաբաժանումների կազմում՝ որպես վերադաս հարկային մարմնի ստորաբաժանումներ: Այդ ստորաբաժանումներն են՝ հարկ վճարողների սպասարկման վարչությունը, փոքր հարկ վճարողների հարկային տեսչություն-վարչությունը, խոշոր եւ միջին հարկ վճարողների հարկային տեսչություն-վարչությունը:
Վարդան Հարությունյանի ներկայացմամբ՝ կրճատվել է մաքսատների թիվը:
«Չի բացառվում, որ վաղը կամ մյուս օրը նույնպես ունենանք կառուցվածքային փոփոխություններ»,-ասաց ՊԵԿ նախագահը:
Նելլի ԲԱԲԱՅԱՆ
