Հայ լեզվաբանության XI միջազգային գիտաժողովի մասնակիցներից է Յուրի Կորյակովը Մոսկվայից: Նա ուսումնասիրում է հայերեն խոսվածքը եւ նրա փոփոխությունները Ռուսաստանում, մասնավորապես` Կրասնոդարում, ինչպես նաեւ առնչությունը այլ լեզուների հետ, նաեւ այն թեման, թե ինչպես են տեղի հայերն ընկալում իրենց ինքնությունը:
Ինչ վերաբերում է վերջին շրջանում Հայաստանում ռուսաց լեզվին հատուկ կարգավիճակը տալուն եւ առանձին հայեցակարգ մշակելուն, ռուս գիտնականը հետեւյալ կարծիքի է. «Եթե Հայաստանը եւ հայերը նման անհրաժեշտություն են տեսնում, իրենք պետք է որոշեն, միայն թե վնաս չպատճառվի հայերենի զարգացմանը եւ կարգավիճակին, դա չլինի հայերենի հաշվին»:
Գոհար ՀԱԿՈԲՅԱՆ
