«Հարցի առաջին մասին կդժվարանամ պատասխանել, նախ՝ քանի որ այն այնքան էլ հարցի նման չէր, այլ ներկայացված էր որպես փաստ: Բացի դրանից, հրահանգավորված էր քվեարկությունը, թե ոչ՝ հստակ իմանալու համար պետք է կոնկրետ տիրապետել այդ երկու քաղաքական ուժերի ներքին խոհանոցին: Իսկ ես նման ինֆորմացիա չունեմ»,- «Առավոտի» հետ զրույցում ասաց ՀՀՇ վարչության գործադիր քարտուղար Կարեն Կարապետյանը` պատասխանելով հարց-դիտարկմանը՝ թե՛ ՀՀԿ-ում, թե՛ «Ծառուկյան» դաշինքում կան մարդիկ, ովքեր իրականում կողմ են այս նախաձեռնությանը:
Ի՞նչն էր սպառնալու իշխանության անվտանգությանը կամ ԵԱՏՄ-ին, եթե քվեարկության արդյունքն այսպես հրահանգավորված չլիներ: Նախագծին «կողմ»-երի թիվը մի քանիսով ավելին լիներ, ինչը եւ իրական պատկեր կապահովեր, եւ հնարավորություն կստեղծեր նաեւ իշխանությանը ԵԱՏՄ շրջանակներում մանյովրների համար: «Իսկ ինչ վերաբերում է մանյովրին, ապա այստեղ համաձայն եմ ձեզ հետ: Եթե քվեարկության պատկերն այլ լինել, ժողովրդի լեզվով ասած՝ «մեր լեզուն ավելի երկար կլիներ» հայ-ռուսական ոչ այնքան իրավահավասար հարաբերություններում»,- ասաց մեր զրուցակիցը:
«Առավոտ» օրաթերթ
28.09.2017
