Հայտնել ենք, որ ՀՀ կրթության եւ գիտության նախարարության ինտերնետային կայքի՝ (www.edu.am) «Հանրակրթություն» խորագրի ներքո կա «Նախադպրոցական կրթություն» բաժին, ուր ներկայացված է ՀՀ նախադպրոցական ուսումնական հաստատությունների ցանկը:
Տավուշի մարզի նախադպրոցական ուսումնական հաստատությունների շարքում այսպիսի գրառում կա ՝ Թովուզի մանկապարտեզ: Տավուշի մարզի Տավուշ համայնքի ղեկավար Արթուր Հովհաննիսյանից տեղեկացանք, որ 2008թ. Թովուզ գյուղն անվանափոխվել է, կոչվել Տավուշ: 2009թ. Տավուշ գյուղի մանկապարտեզը դարձել է համայնքային ոչ առեւտրային կազմակերպության, փոխվել է նաեւ մանկապարտեզի կնիքը:
Թովուզը Տավուշ անվան թուրքերեն հնչողությունն է: Ադրբեջանում այժմ կա Թովուզ անունով քաղաք եւ շրջան:
Մեր հրապարակումից 9 օր է անցել, սակայն ԿԳՆ-ն իր ինտենետային կայքում չի ուղղել Տավուշի թուրքահունչ անվանումը:
Ոսկան ՍԱՐԳՍՅԱՆ
