1992 թ.-ից ՄԱԿ-ը հոկտեմբեի 1-ը հռչակել է որպես տարեցների միջազգային օր: Այսօր կառավարության նիստում վարչապետ Կարեն Կարապետյանն անդրադառնալով այս թեմային՝ ասաց. «Այսօրվա հրամայականը մեզ ստիպում է տարեցների սոցիալական պաշտպանության բնագավառում սոցիալական պաշտպանությունից և խնամքից անցում կատարել դեպի առողջ և ակտիվ ծերացման գործողությունների իրականացում»:
Ըստ նրա, սկզբունքորեն նոր մոտեցումներ պետք է որդեգրվեն:
Կարեն Կարապետյանը աշխատանքի եւ սոցիալական հարցերի նախարարին հանձնարարեց մեկամսյա ժամկետում քննարկել տարեց անձանց աշխատաշուկայում ընդգրկելու հնարավորության հարցերը, ուսումնասիրել միջազգային փորձը եւ համապատասխան առաջարկություններ ներկայացնել սոցիալական ծառայությունների բարելավման ուղղությամբ:
Լուսինե ԲՈՒԴԱՂՅԱՆ
