Գազարով եւ գազարատերեւով աղցանը հին հայկական խոհանոցում հայտնի է եղել որպես լյարդի, լեղապարկի հիվանդությունների, ինչպես նաեւ մարսողությունը բարելավող հրաշալի միջոց:
Աղցանը պատրաստելու համար անհրաժեշտ է 400 գրամ գազար, 400 գրամ գազարատերեւի կանաչ զանգված, 40 գրամ բազկաճավ, 30 գրամ նեխուրի ճավ, ձեթ, աղ, 50 գրամ գլուխ սոխ:
Պատրաստման եղանակը: Գազարն անցկացնել քերիչով, տերեւների զանգվածը, ինչպես նաեւ բազկաճավն ու նեխուրի ճավը լվանալ, մանր կտրտել եւ խաշել եռացող ջրում՝ մինչեւ տերեւացողունների եփելը: Այնուհետեւ հանել ջրից, քամել ու լցնել արդեն պատրաստ սոխառածի վրա, տապակել 5-8 րոպե:
Մատուցել սառը վիճակում՝ զարդարելով հատուկ դանակով պատրաստված գազարներով կամ ըստ ճաշակի:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
26.09.2017
