«Բաց Հասարակության Հիմնադրամներ – Հայաստանի» «Կրթության իրավունքի իրացման հասանելիության և հավասարության հիմնախնդիրները ՀՀ հանրակրթության ոլորտում» հետազոտության զեկույցի նախնական արդյունքների ներկայացմանը ներկա էր նաեւ կրթության փորձագետ Անահիտ Բախշյանը:
Aravot.am-ի հետ զրույցում խոսելով ներկայացված նյութից` տիկին Բախշյանը նշեց. «Շատ մեծ հետաքրքրությունների ու հարցադրումների լուրջ սպեկտոր պարունակող զեկույց էր: Անհրաժեշտություն կա, որ յուրաքանչյուր սլայդի վրա ուշադիր աշխատես, որպեսզի կարողանաս եզրակացություններն անել, մեծ տեղեկատվություն կար, որոնց պետք է տիրապետել»:
Տիկին Բախշյանը զուգահեռներ տարավ ԿԳ նախարար Լեւոն Մկրտչյանի պաշտոնավարման մեկ տարվա հաշվետվության ու ներկայացված զեկույցի միջեւ. «Առաջին միտքը, որ իմ գլխում ծագեց, այն էր, արդյոք գործող ԿԳ նախարարը ԱՎԾ-ի տվյալներին նայե՞լ է իր մեկ տարվա հաշվետվությունը ներկայացնելուց առաջ: Ինքը իր ասածն ու իրականությունը դրե՞լ է կողք կողքի, եւ այդ 26 կետը, որ նախարարը որպես հաշվետվություն ներկայացրել է, ոչ մի առնչություն չունի այս զեկույցում ներառված խնդիրների հետ: Մի տեսակ տարբեր աշխարհների մասին են խոսում. «Բաց հասարակության հիմնադրամները» խոսում է կրթությունից, իսկ պարոն Մկրտչյանը՝ չգիտեմ, թե ինչից»:
Գոհար ՀԱԿՈԲՅԱՆ
