Լրանում է վարչապետ Կարեն Կարապետյանի պաշտոնավարման 1 տարին: Aravot.am-ը իր ընթերցողներից հետաքրքրվել էր, թե ինչպես են գնահատում նրա գործունեությունը:
Հարցման մասնակիցները ունեին պատասխանի 5 տարբերակ՝ «Շատ վատ: Ամեն ինչ ավելի վատ է, քան մինչ նրա գալը», «Վատ: Ոչինչ չի փոխվել, այնինչ մեծ հույսեր էին տալիս», «Նորմալ: Ոչ լավ էր, ոչ վատ, էս պայմաններում այդքանն էլ հազիվ», «Լավ: Մթնոլորտը փոխվեց, որոշ անձեռնմխելի թվացողներ հեռացան, բայց կարելի էր ավելի շատ բան անել», «Շատ լավ: Ես կոնկրետ զգում եմ փոփոխությունները, ով չի զգում` իր մեղքն է»:
Եվ այսպես՝ հարցվածների 3 տոկոսը շատ լավ է գնահատում Կարեն Կարապետյանի գործունեությունը, 17 տոկոսը՝ նորմալ. ոչ լավ էր, ոչ էլ վատ: Հարցման մասնակիցների 21 տոկոսը լավ է գնահատում վարչապետի աշխատանքը, ևս 21 տոկոսը շատ վատ է գնահատում: Իսկ հարցվածների մեծամասնությունը վատ է գնահատում Կարեն Կարապետյանի գործունեությունը. ոչինչ չի փոխվել, այնինչ մեծ հույսեր էին տալիս:
Ամի ՉԻՉԱԿՅԱՆ
«Առավոտ» օրաթերթ
23.09.2017
