Միլանի նորաձևության շաբաթում՝ Versace –ի ցուցադրությանը բեմ են բարձրացել 90-ականների միանգամից մի քանի սուպերմոդել, գրում է Elle-ը:
Ցուցադրությունը նվիրված է եղել Ջիանի Վերսաչեին, որը սպանվել է 20 տարի առաջ Մայամիում:
Versace-ի նոր՝ գարուն-ամառ 2018 հավաքածուն դարձել է Միլանի նորաձևության շաբաթի ամենավառ իրադարձությունը: Դիզայներ Դոնաթելլա Վերսաչեին հաջողվել էր մեկ բեմում հավաքել 90-ականների թոփմոդելներին: Մասնավորապես, բեմ են բարձրացել 51-ամյա Սինդի Քրոուֆորդը, 47-ամյա Կլաուդիա Շիֆերը, 47-ամյա Նաոմի Քեմփբելը, 48-ամյա Հելենա Քրիստենսենը և Ֆրանսիայի նախկին առաջին տիկին, 49-ամյա Կարլա Բրունին: Նրանք բոլորը եղել են ոսկեգույն հագուստով, որն ընդգծել է նրանց անթերի կազմվածքը:
Հաղորդվում է, որ նրանք այնքան լավ տեսք են ունեցել, որ հեշտությամբ մթագնել են ցուցադրության մյուս՝ իրենից 20-30 տարով երիտասարդ մոդելներին, որոնց թվում էր նաև Սինդի Քրոուֆորդի դուստրը՝ Կայա Գերբերը:
Պատրաստեց Վիկտորյա ԱՆԴՐԵԱՍՅԱՆԸ
