Նյու Յորքում՝ ՄԱԿ-ի Գլխավոր վեհաժողովի շրջանակում, Ադրբեջանի արտգործնախարար Էլմար Մամեդյարովը հանդիպել է ԵԱՀԿ Մինսկի խմբի համանախագահների հետ: Այս մասին գրում է ԱՊԱ-ն՝ վկայակոչելով Ադրբեջանի ԱԳՆ պաշտոնական ներկայացուցիչ Հիքմեթ Հաջիևին:
Հաջիևը նշել է, որ հանդիպումը շարունակվել է շուրջ մեկուկես ժամ: Այլ մանրամասներ չեն հաղորդվում:
Հիշեցնենք, սեպտեմբերի 23-ին նախատեսվում է ՄԽ համանախագահների հանդիպումը Հայաստանի և Ադրբեջանի արտգործնախարարների հետ:
Պատրաստեց՝ Վիկտորյա ԱՆԴՐԵԱՍՅԱՆԸ
