Ա. Հ. ՇԵԿՈՅԱՆԻՆ ՄՈՎՍԵՍ ԽՈՐԵՆԱՑՈՒ ՄԵԴԱԼՈՎ ՊԱՐԳԵՎԱՏՐԵԼՈՒ ՄԱՍԻՆ
Ղեկավարվելով 2005 թվականի փոփոխություններով Հայաստանի Հանրապետության Սահմանադրության 55-րդ հոդվածի 16-րդ կետով և հիմք ընդունելով «Հայաստանի Հանրապետության պետական պարգևների և պատվավոր կոչումների մասին» Հայաստանի Հանրապետության օրենքը՝ ո ր ո շ ու մ ե մ.
Հայաստանի Հանրապետության Անկախության տոնի առթիվ, գրականության բնագավառում ներդրած ավանդի համար գրող, բանաստեղծ Արմեն Հակոբի ՇԵԿՈՅԱՆԻՆ պարգևատրել Մովսես Խորենացու մեդալով:
ՀԱՅԱՍՏԱՆԻ
ՀԱՆՐԱՊԵՏՈՒԹՅԱՆ ՆԱԽԱԳԱՀ
2017թ. Սեպտեմբերի 11
«Առավոտի» կողմից նշենք, որ Արմեն Շեկոյան ճանաչված գրողը տարբերվում է իր ինքնատիպ ձեռագրով, նրա գրականության մեջ օգտագործվում է քաղաքային խոսվածք։
Արմեն Շեկոյանը «Հայկական ժամանակ» վեպի հեղինակն է, որը մաս առ մաս հրապարակվում է «Առավոտ» օրաթերթի կայքէջում։
Նրա ստեղծագործությունները թարգմանվել են ուկրաիներեն, էստոներեն, ռուսերեն և չեխերեն, արժանացել բազմաթիվ մրցանակների:
