«Սուտը ղալաթ անի՞, հիվանդ ա լրիվ». Մանվել Գրիգորյանը՝ լրագրողին (Տեսանյութ)

Այսօր, ինչպես տեղեկացրել էինք, Անկախության տոնի առթիվ Եռաբլուր էին այցելել ՀՀ բարձրաստիճան ղեկավարությունը՝ նախագահ Սերժ Սարգսյանը, Արցախի նախագահ Բակո Սահակյանը, վարչապետ Կարեն Կարապետյանը, Գարեգին Բ եւ Արամ Ա կաթողիկոսները, ԱԺ նախագահ Արա Բաբլոյանը, նախարարներ եւ այլ պաշտոնյաներ:

Լրագրողներն ավելի ուշ ժամանած ԵԿՄ նախագահ, ՀՀԿ պատգամավոր Մանվել Գրիգորյանից հետաքրքրվեցին, թե ինչո՞ւ այս անգամ նախագահի հետ միասին չի այցելում, այլ՝ առանձին: Նա բարկացավ. «Հիմա ես իմ երկրապահի հետ գալիս եմ»:

Դիտարկմանը, որ ամեն տարի իր հետ էիք գալիս՝ նա արձագանքեց. «Սուտը ղալաթ անի՞, հիվանդ ա լրիվ»:

Հարցին՝ անկախությունը մեզ ի՞նչ տվեց՝ գեներալ Մանվելը պատասխանեց. «Անկախության սերունդ, որը շատ մեծ հպարտությամբ կրում է էդ անկախությունը»:

Հռիփսիմե ՋԵԲԵՋՅԱՆ