Սեպտեմբերի 17-ին, ժամը 17:10-ին տեղեկություն է ստացվել, որ Արմավիրի մարզի Էջմիածին քաղաքի Արարատյան և Կոմունարներ փողոցների խաչմերուկում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «Mercedes ML» մակնիշի 12 PP 888 (վարորդ՝ 1995 թ. ծնված Լ. Մ.) և «ՎԱԶ-21172» մակնիշի О 998 КН 152 (վարորդ՝ 1979 թ. ծնված Հ. Մ.) պետհամարանիշերով ավտոմեքենաները:
Մինչ փրկարարների՝ կանչի վայր հասնելը «ՎԱԶ-21172» մակնիշի ավտոմեքենայի ուղևորներ՝ 1989 թ. ծնված Գ. Ս.-ը և 1949 թ. ծնված Հ. Կ.-ը հոսպիտալացվել են Էջմիածնի ԲԿ, որտեղ բժիշկները նրանց առողջական վիճակը գնահատել են միջին ծանրության:
Փրկարարները հոսանքազրկել են ավտոմեքենաները:
ՀՀ ԱԻՆ
Արմավիրի մարզում Էջմիածին քաղաք չկա:
Կա քաղաք Վաղարշապատ:
Հարգելի Ռուբեն, Դուք իհարկե ճիշտ եք: Սակայն ուշադրություն եմ հրավիրում, որ սա «Առավոտի» հեղինակային լուրը չէ, այլ ԱԻՆ հաղորդագրությունը: