Սեպտեմբերի 10-13 Ցյուրիխի համալսարանում ընթանում է Եվրոպայի լեզվաբանների ամենամեծ ընկերության (Societas Linguistica Europaea) 50-րդ հոբելյանական միջազգային գիտաժողովը, որին մասնակցում են 700 գիտնականներ աշխարհի 173 երկրներից: Գիտաժողովի ընթացքում հայոց լեզվի շարահյուսական առանձնահատկություններին անդրադարձող ելույթով հանդես է եկել բանասիրական գիտությունների դոկտոր, Վենետիկի համալսարանի պրոֆեսոր Սոնա Հարությունյանը:
Տարիներ ի վեր, Սոնա Հարությունյանը ծավալում է բուռն մանկավարժական եւ գիտական գործունեություն Վենետիկի համալսարանում եւ արժանավոր կերպով ներկայացնում Հայոց ցեղասպանությանը, հայ լեզվաբանությանն ու թարգմանաբանությանը նվիրված իր ուսումնասիրությունները աշխարհի լավագույն համալսարաններում եւ գիտական հաստատություններում:
