Այսօր՝ սեպտեմբերի 13-ին, Արտակարգ իրավիճակների նախարարության Փրկարար ծառայության Չարենցավանի թիվ 47 հրշեջ-փրկարարական ջոկատի փրկարարները, ջոկատի հրամանատար Հայկ Ասատրյանի գլխավորությամբ, ինչպես նաև ԱԻՆ ՓԾ Գեղարքունիքի մարզային փրկարարական վարչության Սևանի հատուկ ջրասուզակների ջոկատը` հրամանատար Արթուր Ճզմաչյանի գլխավորությամբ, Ոստիկանության Չարենցավանի և Հրազդանի բաժինների ծառայողները՝ Չարենցավանի ոստիկանապետ Սամվել Տոնոյանի, Հրազդանի ոստիկանապետ Կարեն Գրիգորյանի գլխավորությամբ վաղ առավոտյան Գյումուշի ջրամբարում հայտնաբերել են սեպտեմբերի 10-ից անհայտ կորած Սոլակ գյուղի բնակիչ, 27-ամյա Անժելա Մ.-ի ջրահեղձ եղած դին:
Սեպտեմբերի 9-ին Ոստիկանության Հրազդանի բաժին էին դիմել Սոլակ գյուղի բնակիչ՝ 27-ամյա Անժելա Մ.-ի հարազատները և հայտնել էին, որ վերջինս դուրս էր եկել տնից և չէր վերադարձել: Հարազատները ոստիկաններին տեղեկացրել էին, որ աղջիկը, ով ուներ առողջական խնդիրներ, հաճախակի էր հայտնել, որ իր կյանքին վերջ է տալու:
Հրազդանի ոստիկանները մոտ 7-8 կիլոմետր որոնողական աշխատանքներ էին կատարել, որոնց հետո միացել էին աղջկա հարազատները և արդեն Գյումուշի ջրամբարում` ափին, հայտնաբերել էին աղջկա հողաթափը, իսկ ջրամբարի մեջ` գլխարկը:
Նյութի մանրամասները կարդացեք shamshyan.com–ի կայքում
