«Մեր հաջողությունները կամ անհաջողությունները մի փնտրեք իբր ԵԱՏՄ-ում գտնվելու պարագայով»,- խորհրդարանում, լրագրողների հետ զրույցում, դիմելով իր բնորոշմամբ «բոլոր սուտի հիմնավորողներին», ասաց ԲՀԿ խմբակցության պատգամավոր Վարդան Բոստանջյանը`անդրադառնալով Հայաստանի`ԵԱՏՄ-ից դուրս գալու «Ելք»-ի նախաձեռնությանը: ԵԱՏՄ-ում, ըստ պատգամավորի, Հայաստանն ոչ հետընթաց է ունեցել, ոչ էլ առաջընթաց: Բայց, սրանով հանդերձ, նա չի խրախուսում ԵԱՏՄ-ից Հայաստանի դուրս գալը, քանի որ այն մեզ համար վատագույն դեպքում 180 միլիոնանոց շուկա է, որտեղ սպառվում են մեր անորակ`«արտադրական ցածր կուլտուրայով ստեղծված» ապրանքները, որոնք, ըստ Բոստանջյանի, Եվրոպան ընդհանրապես չի էլ թողնի իր երկիր: Նա չի հասկանում`որո՞նք են այն հիմքերը, որ ԵՄ-ում Հայաստանը կտրուկ առաջընթաց է ունենալու:
Բացի այդ, նա կարծում է, որ հաշվի պետք է առնենք նաեւ ԵԱՏՄ տարածքում բնակվող մեր երեք միլիոն հայրենակիցների շահերը:
Մանրամասները` տեսանյութում:
Նելլի ԳՐԻԳՈՐՅԱՆ
