Վրեժ Հախվերդյանին մեղադրանք է առաջադրվել այն բանի համար, որ նա 2009թ. հոկտեմբերի 25-ին, ժամը 21-ի սահմաններում Դիլիջան քաղաքի Կալինինի փողոցի բնակարաններից մեկում վիճաբանել է Դիլիջանի բնակիչ Գուրգեն Մելքումյանի հետ, որի ընթացքում վերցնելով սեղանին դրված խոհանոցային դանակը՝ սպանելու դիտավորությամբ հարվածել եւ սպանել է վերջինիս:
Ապա Վ. Հախվերդյանը 2009թ. հոկտեմբերի վերջին առանց համապատասխան փաստաթղթերի ապօրինի հատել է ՀՀ պահպանվող պետական սահմանը, այդ կերպ խախտելով պետական սահմանի անձեռնմխելիությունը:
Վ. Հախվերդյանին մեղադրանք է առաջադրվել ՀՀ քրեական օրենսգրքի 104 հոդվածի 1-ին մասով եւ 329 հոդվածի 1-ին մասով: Նա կալանավորված է, գտնվում է «Վանաձոր » քրեակատարողական հիմնարկում:
Սույն քրեական գործով դատավարությունն ընթանում է Տավուշի մարզի առաջին ատյանի դատարանում: Ըստ «Դատալեքս» տեղեկատվական համակարգի՝ այս գործով դատական հերթական նիստը նշանակված է վաղը՝ սեպտեմբերի 12-ին:
Ոսկան ՍԱՐԳՍՅԱՆ
