ՍԱՍ ընկերության սեփականատեր Արտակ Սարգսյանը պնդում է, որ իր ընկերությունում նախընտրական ժողովի հայտնի ձայնագրության գործով իր կողմից ճնշում չի եղել քննչական մարմինների վրա:
Հիշեցնենք, որ Հատուկ քննչական ծառայությունը կարճել էր ՍԱՍ-ի ձայնագրությունների գործը՝ պատճառ բերելով հանցակազմի բացակայությունը:
Լրագրողներից մեկի հարցին` ձայնագրությունում իր եղբա՞յրն էր ժողովը վարում, ձայնի նույնականացում եղե՞լ է, Արտակ Սարգսյանը պատասխանեց. «Զգույշ, կընկնես, ես քո մասին եմ մտածում, ազիզ ջան»:
Լրագրողի հարցին`իրեն չի՞ հետաքրքրում, թե մարդիկ ինչպես են իրեն ձայն տվել, գուցե ստիպողաբար են քվեարկել, նա պատասխանեց. «Ինչ ասում են, սաղ սուտ ա»:
Ձայնագրությո՞ւնն էլ է կեղծ է`հարցին էլ պատասխանեց. «Բոլորը սուտ է»:
Գործի կարճումը նա արդար է համարում. «Այո, շատ: Ես չեմ այդպես կարծում, քննչական մարմիններն են կարծում»:
Նելլի ԳՐԻԳՈՐՅԱՆ
