«Երկիր ծիրանի» կուսակցության նախագահ Զարուհի Փոստանջյանը այսօր «Հայելի» ակումբում ներկայացրեց իրենց կուսակցության գաղափարախոսությունը եւ սկզբունքները:
Ըստ այդմ, նշել են, որ իրենք դատապարտում են՝ «քաղաքական եւ տնտեսական մենաշնորհը, Հայ առաքելական եկեղեցու քաղաքական եւ տնտեսական իրավունք-մենաշնորհը՝ արտոնությունները, երեւանյան գավառապետությունը, առաջինից մինչեւ վերջին բոլշեւիկին, հայրենիքը վաճառողներին, փոխանակողներին, հանձնողներին, ՆԿՎԴ-ԿԳԲ-ԱԱԾ-չեկիզմը, բոլշեւիզմը, կոմունիզմը, ՀՀՇ-ՀՀԿ արատավոր երեւույթները, հայ ազգի հանրային միջոցները ապօրինի օտարած, զավթած օտարներին ու ազգակիցներին, մեզանից դուրս այլ ուժերի ապավինումը»:
Մենք հետաքրքրվեցինք՝ ԱԱԾ-ն ԿԳԲ-ն հասկանալի է, բայց ի՞նչ ունեք եկեղեցու դեմ, ինչո՞ւ եք դեմ եկեղեցուն արտոնությանը: Զարուհի Փոստանջյանը պատասխանեց. «Եկեղեցու դեմ ոչինչ չունենք, գտնում ենք, որ եթե արտոնություն, ապա՝ ՓՄՁ-ներին միայն: Արտոնություն տրամադրելը խթանում է հավասար պայմանները եւ պարարտ դաշտ է ստեղծում մենաշնորհների համար: Եկեղեցաշինությունը միգուցե լավ է, ճիշտ է, բայց այն ծավալները, որ այսօր ունեն, չեմ կարծում, որ դրա անհրաժեշտությունը կա: Միգուցե մեծահարուստները իրենց ցանկությունները բավարարեն այլ ոլորտներում:
Հռիփսիմե ՋԵԲԵՋՅԱՆ
