«Բանալին գրպանումս՝ մետաղորսիչ սարքը ձայն չհանեց». «Սասնա ծռերի» պաշտպան

Ավան եւ Նոր Նորք վարչական շրջանների ընդհանուր իրավասության դատարանում այսօր 2016թ. ոստիկանության ՊՊԾ գունդը գրաված եւ ծանր հանցագործությունների մեջ մեղադրվող  «Սասնա ծռեր» զինված խմբի անդամներից 18-ի գործով  նիստն է, որից մեկնարկից առաջ ամբաստանյալների պաշտպաններից Դավիթ Գյուրջյանն ու Մուշեղ Շուշանյանը ներս չմտան:

Զննության ժամանակ Մուշեղ Շուշանյանը կրկին հրաժարվեց բացել պայուսակը,  կարգադրիչներն էլ պահանջեցին՝ պայուսակը պետք է բացել, քանի որ մետաղորսիչ սարքն ազդանշան է տալիս:

Դավիթ Գյուրջյանն էլ պահանջեց արգելված իրերի ցանկ ներկայացնել, որը գոյություն չունի: Ասաց, որ իր պայուսակում մետաղական մաս պարունակող իրեր են գրիչը եւ նոթատետրը, սակայն հրաժարվեց պայուսակը բացել:

Փաստաբան Լուսինե Սահակյանն էլ, որը արդեն իսկ մուտք էր գործել դատարան, դժգոհեց, որ կարգադրիչները կամայական մոտեցում են ցուցաբերում. «Այսօր գրպանս բանալի կար, բայց մետաղորսիչ սարքը ձայն չհանեց»:

Լուիզա ՍՈՒՔԻԱՍՅԱՆ