ԱԺ բյուջետային գրասենյակի հաշվետվության համաձայն, 2017-ի առաջին կիսամյակում պաշտպանության ոլորտի հետազոտական ծախսերը ֆինանսավորել են նախատեսվածի 35 տոկոսով, մենք անընդհատ հայտարարում ենք ռազմարդյունաբերական համալիրի զարգացման մասին, բայց ֆինանսավորում ենք 35 տոկոսո՞վ, ինչը կարող է պարզվի, որ գրասենյակային ծախսեր են»,- այսօր Արցախի մասին ՀՅԴ-ի կազմակերպած խորհրդաժողովի ժամանակ ասաց «Ելք» խմբակցության ղեկավար Նիկոլ Փաշինյանը՝ դիմելով ՊՆ փոխնախարար Արտակ Զաքարյանին:
Նա հիշեցրեց, որ ապրիլյան պատերազմում, ինչպես ասաց Վիկտոր Առուստամյանը, միջոցներ չեն եղել առավել խորը հետախուզության համար: Ուստի նա հարցրեց՝ հետո կարո՞ղ է ասեն, որ ֆինանսավորում չկար՝ հետազոտական ծախսեր չեն արել: Արտակ Զաքարյանը պատասխանեց, որ կան հետազոտության մի քանի աստիճաններ, ցերեկային, գիշերային տարբերակումներ: Նա ասաց, որ մենք կարողանում ենք արդեն հակառակորդի թիկունքը տեսնել եւ ի տարբերություն ապրիլյան պատերազմի օրերի, այսօր կարող ենք 1-2 օր առաջ գլխի ընկնել եւ գնահատել հակառակորդի գործողությունները: Ավելի խորը դիտարկում իրականացվում է անօդաչու թռչող սարքերի միջոցով: Այնպես, որ, նրա խոսքերով, մենք միջոցներ ձեռնարկել ենք: Ինչ վերաբերում է ռազմարդյունաբերական համալիրի ֆինանսավորմանը, Արտակ Զաքարյանն ասաց, որ 4 ծրագիր հետ է գնացել, իսկ մյուսները բոլորը ֆինանսավորվելու են:
Հռիփսիմե ՋԵԲԵՋՅԱՆ
