«Պետք է ուշադրություն դարձնել միայն այն հայտարարություններին, որոնք կատարվել են համատեղ, առանձին վերցրած մեկի հայտարարությունը ոչ մի արժեք էդ իմաստով չունի»,- այսօր Եռաբլուրում մեկնաբանելով ԵԱՀԿ Մինսկի խմբի ԱՄՆ համանախագահ Ռիչարդ Հոգլանդի հայտարարությունը ԼՂ խնդրի կարգավորման մասին՝ ասաց ՀՅԴ խմբակցության ղեկավար Արմեն Ռուստամյանը:
Ըստ նրա` Հոգլանդի ասածների մեջ շատ նորություն չկար. «Որոշ մեկնաբանություններ է ինքն իրեն թույլ տվել անել: Եթե համանախագահների հայտարարությունները նկատի ունենանք, կտեսնենք, որ տարբերություն կա: Դա արդեն իր կողմից արջի ծառայություն էր, էլի, գնալուց առաջ ինչ-որ ավելի մթնոլորտը պղտորելու մղում է ունեցել երեւի պարոն Հոգլանդը: Լավ բան չի արել: Կարծում եմ, պետք էր հարազատ մնալ միշտ այն տրամաբանությանը, ինչ մինչեւ հիմա բանակցային գործընթացում կար»:
Հռիփսիմե ՋԵԲԵՋՅԱՆ
