Aravot.am-ը իր ընթերցողներից հետաքրքրվել էր, թե համաձա՞յն են նախկին վարչապետ, Ազգային ժողովի նախկին պատգամավոր Հրանտ Բագրատյանի առաջարկությանը՝ Հայաստանը անվանափոխել Արմենիա:
Հարցման մասնակիցներին առաջարկել էինք պատասխանի 3 տարբերակ՝ «այո՛, աշխարհում մեր երկիրը հայտնի է Արմենիա անունով», «ո՛չ, երկրի անվան փոփոխությունը նպատակահարմար չէ», «ո՛չ Հայաստան, ո՛չ Արմենիա անունները չեն համապատասխանում մեր երկրին»:
Եվ այսպես՝ հարցման մասնակիցների 26 տոկոսը համարում է, որ ո՛չ Հայաստան, ո՛չ Արմենիա անունները չեն համապատասխանում: Հարցվածների 36 տոկոսը համաձայն է Հրանտ Բագրատյանի առաջարկությանը, քանի որ աշխարհում մեր երկիրը հայտնի է Արմենիա անունով: Իսկ հարցվածների մեծամասնությունը՝ 38 տոկոսը, ոչ նպատակահարմար է համարում նման փոփոխությունը:
ԱՄԻ ՉԻՉԱԿՅԱՆ
«Առավոտ»
01.09.2017
Երկիրը փոխեք, ոչ թե երկրի անունը: Իսկ պատմականորեն եղել է Մեծ Հայք, Փոքր Հայք: Անկախության Հռչակագրում էլ՝ Հայաստան կամ Հայք: Հայքի հանրապետություն: Ի՞նչ վատ է: