Oգոստոսի 5-ին Իջեւան քաղաքում 31-ամյա Աշոտ Ջուլհակյանը դանակի հարվածներ է հասցրել եղբորը`29-ամյա Ազատ Ջուլհակյանին: Դեպքի կապակցությամբ նշանակված դատաբժշկական փորձաքննության եզրակացությամբ` Ազատ Ջուլհակյանին պատճառվել է առողջության կարճատեւ քայքայումով վնաս:
ՀՀ քննչական կոմիտեի Տավուշի մարզային քննչական վարչությունում ՀՀ քրեական օրենսգրքի 117 հոդվածով («Դիտավորությամբ առողջությանը թեթև վնաս պատճառելը») հարուցված գործով քննություն է կատարվում:
Եղբայրների վիճաբանությունը եւ դրան հետեւած դանակահարությունը տեղի է ունեցել Իջեւանի տարածաշրջանի գյուղերից մեկի բնակիչ աղջկա պատճառով:
Իրավապահներից ստացված տվյալներով ` Աշոտ եւ Ազատ Ջուլհակյանների նկատմամբ նշանակվել է դատահոգեբուժական ամբուլատոր փորձաքննություն, հոգեբույժներից կազմված հանձնաժողովը կպարզի` նրանք մեղսունա՞կ են: Ազատ Ջուլհակյանը եւ նրա եղբայրը` Իջեւանի կոմունալ հիմնարկության աշխատող Աշոտ Ջուլհակյանը որպես հոգեկան հիվանդ հաշվառված են:
Ոսկան ՍԱՐԳՍՅԱՆ
