ՀՀ կրթության եւ գիտության նախարարության ներկայացուցիչը չի բացառել, որ երեխաներին դպրոց չուղարկող ծնողները կարող են տուգանվել 30 հազար դրամի չափով։
«ՉԻ» – Սա իսկապես հանճարեղ որոշում է։ Նախարարությունում, իհարկե, տեղյակ են, որ ծնողների՝ երեխաներին դպրոց չուղարկելու հիմնական պատճառը սոցիալական ծանր վիճակն է. ծնողները պարզապես չունեն այդ 15– 20 հազար դրամը՝ երեխաների համար պայուսակ կամ վերնաշապիկ գնելու համար։ Եվ ահա որոշում են ընդունել՝ եթե 15-20 հազար դրամ չունես, բարի եղիր տուգանվել 30 հազար դրամով։
Ծայրահեղ աղքատներ, իհարկե, կան նույնիսկ ամենահարուստ երկրներում, բայց այնտեղ, չգիտես ինչու, պետությունը այդ մարդկանց տուգանելու փոխարեն օգնում է։ Երեւի չեն ֆայմում, որ աղքատությունը կարող է բյուջեի համալրման աղբյուր դառնալ:
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
