Վարսակը կարգավորում է աղիների շարժողականությունը, ունի տոնուսավորող, մեղմ լուծողական, հանգստացնող, ճարպային փոխանակությունը կարգավորող, փափկացնող, հակաօքսիդանտ ազդեցություն: Կիրառվում է գերհոգնածության, նեւրասթենիայի, ախորժակի բացակայության դեպքում՝ որպես ուժերը վերականգնող միջոց: Որպես պատող, փափկեցնող, հակաբորբոքային՝ բարերար ազդեցություն ունի ստամոքսի եւ 12-մատնյա աղու խոցային հիվանդության, որպես հիպոլիպիդեմիկ՝ աթերոսկլերոզի ժամանակ՝ նպաստում է արյան մեջ խոլեստերինի նվազեցմանը:
Դեղատոմսեր եւ պատրաստուկներ
Արթրիտներ
1 ճաշի գդալ մանրացված վարսակի հարդին՝ խոտին, ավելացնել 1 բաժակ եռման ջուր, թրմել 30 րոպե, քամել: Ընդունել 0.5 բաժակ՝ օրը 3 անգամ՝ ուտելուց առաջ:
Դիաթեզ
2 ճաշի գդալ հատիկներին ավելացնել 0.5 լիտր եռման ջուր, թրմել 3 ժամ, քամել: Ընդունել 0.5 բաժակ՝ օրը 4 անգամ:
Խոլեցիստիտներ, որպես լեղամուղ, միզամուղ միջոց
1 բաժակ վարսակի հատիկներին ավելացնել 1 լիտր եռման ջուր, մարմանդ կրակի վրա գոլորշիացնել՝ մինչեւ մնա սկզբնական ծավալի 1/2-ը, սառեցնել, քամել: Ընդունել 0.5 բաժակ, օրը 3-4 անգամ:
Բրոնխիտներ
0.5 բաժակ վարսակի հատիկների վրա ավելացնել 2 լիտր կաթ, 1.5-2 ժամ 50 աստիճան C-ում թողնել ջեռոցում, քամել: Ընդունել օրական 1 բաժակ, քնելուց առաջ:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
31.08.2017
