Վաղը ժամը 11-ին «Առավոտի» կայքում ուղիղ հեռարձակմամբ դիտեք «Դեմ առ դեմ» հաղորդաշարը, որի հյուրերն են՝ միջազգայնագետ Սուրեն Սարգսյանը եւ քաղաքագետ Ստեփան Սաֆարյանը:
Բանախոսները կքննարկեն ՀՀ նախագահ Սերժ Սարգսյանի՝ «Բազե» համահայկական երիտասարդական հավաքի ժամանակ արված հայտարարությունը, համաձայն որի աշնանը Հայաստանը ԵՄ-ի հետ ստորագրելու է Համապարփակ եւ ընդլայնված գործընկերության համաձայնագիրը:
Արդյոք կստորագրվի՞ փաստաթուղթը, ինչ կտա այն Հայաստանին, արդյոք փաստաթղթի ստորագրումը չի խանգարի Ռուսաստանի հետ հարաբերություններին:
Հաղորդումը վարում է Լուսինե Բուդաղյանը: Հաղորդման հյուրերին կարող եք հարցեր ուղղել այս գրառման ներքո՝ որպես մեկնաբանություն, նաեւ օգտագործելով Facebook-ը եւ Twitter-ը: Սպասում ենք ձեր հարցերին եւ արձագանքներին: Հիշեցնում ենք, որ մեր կայքում չեն հրապարակվում տրանսլիտով գրված կամ վիրավորանք պարունակող մեկնաբանությունները:
Լուսինե ԲՈՒԴԱՂՅԱՆ
