Երեւանի քաղաքապետ Տարոն Մարգարյանը, ինչպես հայտնի է, քաղաքացիական ակտիվիստ Շահեն Հարությունյանի դեմ դատական հայց է ներկայացրել՝ «Հաց բերողի» մահվան հետ կապված երթեր կազմակերպելու համար:
Այսօր լրագրողները Տարոն Մարգարյանին հարցրեցին՝ Շահեն Հարությունյանը պնդում է, որ քաղբանտարկյալի որդի է, հիմա էլ իրեն եք դատի տալիս, ինչո՞ւ չեք հրաժարվում հայցից, նման առաջարկությամբ ձեզ դիմել էր «Ելք» խմբակցությունը: Նա պատասխանեց. «Հարգելիներս, դուք գիտեք, որ օրենսդրությամբ այդ լիազորությունները տրված են ներքաղաքային իշխանությանը, բայց երբ որ երթեր են լինում, ոչ օրինական հավաքներ են կազմակերպվում, ոստիկանության տվյալներով, փաստերով հրավիրվում են մեր ներկայացուցիչները եւ արձանագրում են այդ ամենը: Արձանագրել են եւ օրենքով մեր պատասխանատուները շարժվում են առաջ: Մենք անձնավորված ոչ մեկի նկատմամբ ոչ մի խնդիր չունենք, օրենքի տառն ենք պահում, ինչ լիազորություններ տրված են քաղաքային իշխանությանը»:
Հռիփսիմե ՋԵԲԵՋՅԱՆ
