Երեկ Վանաձորի ոստիկանության Տարոնի բաժնի մոտ սուր կտրող-ծակող առարկայով Ա. Մ.-ն մարմնական վնասվածքներ է պատճառել Վ. Ա-ին: Վերջինս ՀՀ քննչական կոմիտեի Լոռու մարզային քննչական վարչության Ստեփանավանի քննչական բաժնի քննիչ, արդարադատության կապիտան է: Նա տեղափոխվել է Վանաձորի բժշկական կենտրոն:
Հիվանդանոցից մեզ տեղեկացրեցին, որ Վ. Ա-ի վիճակը գնահատվում է կայուն, կյանքին վտանգ չի սպառնում. «Կրծքավանդակի առաջին պատի ծակած-կտրած վերք է, թոքի վնասում չկա, կրծքավանդակի ներթափանցում չկա: Վիճակը կայուն, ստաբիլ է, միջին ծանրություն, բավարարին մոտ»,- ասաց բժշկական կենտրոն տնօրեն Վարդան Աբովյանը:
Shamshyan.com-ը հրապարակել է, որ քննիչը դանակահարվել է աներոջ կողմից:
Քննչական կոմիտեի տարածած հաղորդագրության համաձայն՝ պարզվել է ենթադրյալ հանցագործություն կատարած անձի ինքնությունը, շարժառիթը։ Կասկածյալը ձերբակալվել է։
Դեպքի առթիվ Լոռու մարզային քննչական վարչությունում հարուցվել է քրեական գործ՝ սպանության փորձ կատարելու դեպքի առթիվ՝ ՀՀ քրեական օրենսգրքի 34-104-րդ հոդվածի 1-ին մասով:
Տաթեւիկ ՂԱԶԱՐՅԱՆ
