Իջեւանի քաղաքային զբոսայգին եւ կենտրոնական՝ Շատրվանների հրապարակը Տավուշի մարզկենտրոնի գեղատեսիլ վայրերից են: Զբոսայգուն շուք են տալիս խորհրդային տարիներին Իջեւանում անցկացված քանդակի միջազգային սիմպոզիումի ժամանակ արարված քանդակները:
Զբոսայգին եւ Շատրվանների հրապարակը իջեւանցիների հանգստի նախընտրած տեղերն են: Այդտեղ տեղադրված նստարանները ջարդվել են անհայտ անձանց կողմից: Զբոսայգում որոշ նստարաններ ամբողջությամբ են ջարդվել, որոշները՝ մասնակի:
Իջեւանի քաղաքապետ Վարդան Ղալումյանն ասաց, որ Շատրվանների հրապարակից ջարդված 6 նստարան, քաղաքային զբոսայգուց 2 նստարան վերանորոգման նպատակով տեղափոխվել է:
Քաղաքապետը չգիտի, թե ովքեր եւ ինչու են ջարդել նստարանները:
Ոսկան ՍԱՐԳՍՅԱՆ
