«Դրախտիկ» անունով ցուցանակը, որը տեղադրված է Սեւանա լճի ափամերձ տարածքում` դեպի Շորժա տանող ճանապարհին, հուշում է, որ «Դրախտիկ» գյուղի վարչական տարածքում ենք: Անցորդների մոտ հարց է առաջանում ինչո՞ւ դրախտիկ: Գյուղի անվանումը, համենայն դեպս, առաջին տպավորությամբ, չի համապատասխանում տեսարանին:
Գյուղը սկսվում է անբարեկարգ, կիսախարխուլ, լքված տներով: Գյուղապետ Վալենտին Պետրոսյանը վիրավորվում է, երբ մատնացույց անելով գյուղի մուտքը ներկայացնող կիսաքանդ տները, կարծիք ես հայտնում, որ գյուղի բնակիչների կյանքն ամենեւին էլ դրախտում ապրողի չէ: Գյուղապետն ասում է` մենք էլ ենք մտածում ինչպես անենք, որ այդ հատվածը բարեկարգենք, հատկապես, որ կառավարությունն այս կողմերում տուրիզմը զարգացնելու լուրջ ծրագրեր ունի:
Լուսանկարը` ԼՈՒՍԻՆԵ ԲՈՒԴԱՂՅԱՆԻ
«Առավոտ»
26.08.2017
