«Իրենք պատրաստ են հանձնել ազատագրված տարածքները Լեռնային Ղարաբաղի անորոշ կարգավիճակի դիմաց, իսկ անորոշ կարգավիճակը նշանակում է Լեռնային Ղարաբաղի հանձնում»,- ասում է «Ժողովրդավարական հայրենիք» կուսակցության նախագահ Պետրոս Մակեյանը՝ մեկնաբանելով Հոգլանդի նախօրեի հայտարարությունը։ Նա կարծում է, որ մենք վերադառնում ենք 1997 թվականի կարգավորման տարբերակին։
«1998թ․ իշխանափոխությունն ուղղված էր նրան, որ ԼՂ հակամարտության լուծման հարցում այսօրվա իշխանությունները համամիտ չէին Լեւոն Տեր-Պետրոսյանի տեսակետին։ Բայց այսօրվա իշխանությունները կրկնակի դավաճան են։ Եթե մտնենք դետալների մեջ, ապա կարգավորման տարբերակում կարող ենք գտնել ստորակետների կամ այլ նշանների տարբերություններ, բայց մեծ հաշվով նույնն է՝ հանձնում են տարածքներ, Արցախի կարգավիճակը մնում է անորոշ։ Իսկ անորոշության դեպքում այնտեղի ժողովուրդն էլ կգա Երեւան․․․
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
