Կրթության եւ գիտության նախարար Լեւոն Մկրտչյանն այսօր կառավարության նիստից հետո լրագրողների հետ ճեպազրույցում անդրադարձավ ՀՀ նախկին վարչապետ Հրանտ Բագրատյանի հայտարարությանը՝ «ժամանակը չէ՞ մեր երկիրն Արմենիա անվանելու» եւ «հայերենը աշխարհի ամենաաղքատիկ լեզուներից է» կարծիքին, ասաց. «Կոչ եմ անում մեզ վրա վստահ լինել եւ ամեն խնդիր չդարձնել հրապարակային: 6 հազար տարի մեր ժողովուրդն իրեն հայ է անվանել, 8-10 հազար տարի էլ պետք է հայ անվանի, ի՞նչ անենք, Հայկ Նահապետի անունն էլ Արմե՞ն դնենք: Ի՞նչ ենք քննարկում»:
Բագրատյանը նաեւ հայտարարել էր, որ հայերեն բառարաններում բառաֆոնդը քիչ է, եւ թարգմանությունների ժամանակ խնդիրներ են լինում, մինչդեռ որոշ մասնագետներ վստահեցրել էին, թե նոր, ավելի հարուստ բառարաններ կազմվել էին, սակայն դրանք տպագրելու համար աջակցություն չեն ստացել: Այս առնչությամբ Լեւոն Մկրտչյանն ասաց.«Քննարկենք կոնկրետության մեջ՝ ինչ բառարան, ինչ ուղղվածության, արդյոք մենք բառարանների պակաս ունենք»:
Մանրամասն՝ տեսանյութում
Նելլի ԲԱԲԱՅԱՆ
