Շենգավիթ վարչական շրջանի ընդհանուր իրավասության դատարանում այսօր ընդմիջումից հետո վերսկսվեց «Ժիրայր Սեֆիլյանի եւ մյուսների» գործով դատական նիստը: Նախագահող դատավոր Տաթեւիկ Գրիգորյանը մերժեց ավելի վաղ իր դեմ ներկայացված ինքնաբացարկի միջնորդությունը: Այսինքն, գործը կշարունակի քննել Տաթեւիկ Գրիգորյանը:
Այնուհետեւ որպես ամբաստանյալներ Ժիրայր Սեֆիլյանի եւ Ներսես Պողոսյանի պաշտպան ներգրավված Մարինե Թովմասյանը միջնորդեց նիստը հետաձգել, որպեսզի հասցնի տեսակցել իր պաշտպանյալներին եւ իմանալ վերջիններիս դիրքորոշումները գործի վերաբերյալ:
Միջնորդությունը բավարարվեց: Հաջորդ նիստը, ըստ սահմանված կարգի, կկայանա հաջորդ ուրբաթ՝ 11:00-ին:
Լուիզա ՍՈՒՔԻԱՍՅԱՆ
