Թթի օղին ոչ թե Արցախի այցեքարտն է, այլ` Քարահունջի: «Առավոտի» հետ զրույցում այսպիսի կարծիք հայտնեց երկար տարիներ գիտական աշխատանքով զբաղված Վլադիկ Աբրահամյանը: Նրա խոսքով, թթի ծառն իր ապուպապերն են 200 տարի առաջ բերել Նախիջեւանի Աբրակունիսի շրջանից եւ տնկել Գորիսի Քարահունջ գյուղում եւ թթի օղին էլ առաջինն այդ գյուղում է պատրաստվել: Ըստ Վլադիկ Աբրահամյանի, թթի ծառը Նախիջեւանից բերել է իր Ավագ Քեռի անունով պապի պապը, որի մասին նշված է նաեւ տոհմածառում:
«200 տարուց ավելի է այդ տոհմածառը կա, այն այժմ մեր տանն է: Ամեն անգամ գովազդում են, թե թթի օղին Արցախին է պատկանում, բայց դրանով մարդկանց ապատեղեկատվություն են տալիս: Նման բան չկա. Նախիջեւանից Զանգեզուր են բերել, Զանգեզուրից` Արցախ: Այնպես որ թթի օղու «հեղինակային իրավունքը» Քարահունջին է պատկանում»,-ասաց Վլադիկ Աբրահամյանը:
ՍԵՓ. ԼՐ.
«Առավոտ»
16.07.2017
