«Տնտեսական անկում, արտագաղթ, ազգային հողի վրա դժգոհություններ: Սրանք Ադրբեջանի ներկայիս հիմնական խնդիրներից են: Ադրբեջանը եռացող կաթսա է, որպեսզի պայթյուն տեղի չունենա, այդ երկիրը սրում է իրավիճակը Արցախյան հակամարտության գոտում»,-Aravot.am-ի հետ զրույցում, անդրադառնալով սեպտեմբերի վերջին նախատեսված ՀՀ եւ Ադրբեջանի արտգործնախարարների հանդիպմանն ընդառաջ՝ շփման գծում հակառակորդի կողմից միջադեպերի հնարավորությանը, ասաց ադրբեջանագետ Գրիգորի Այվազյանը:
Նրա խոսքով՝ Ադրբեջանի ռազմատենչությանը նպաստում են նաեւ ՀՀ քաղաքական շրջանակներում զիջումների մասին հայտարարությունները. «Ով ասում է, որ մենք պետք է արյան գնով ազատագրված հողն առանց պայքարի զիջենք Ադրբեջանին, որը սպառնում է մեզ ոչնչացնել, նա թշնամի է եւ դավաճան: Որքան շատ ենք նման կարծիքներ հնչեցնում ՀՀ ազդեցիկ գործիչների կողմից, այնքան առիթ ենք տալիս Ադրբեջանին՝ սրել հարաբերությունները: Երկրի ղեկավարությանը հորդորում եմ՝ սթափվե՜ք, քանի դեռ ուշ չի»:
Փորձագետը մտավախություն ունի, որ սահմանային դեպքերի պակաս չի լինի՝ նաեւ հաշվի առնելով այն փաստը, որ Ադրբեջանում տնտեսական եւ քաղաքական վատթարագույն վիճակ է: «Սրացումը պետք չէ շփոթել լայնածավալ պատերազմի վերսկսման հետ»,-ընդգծում է նա:
Մանրամասները՝ տեսանյութում:
Լուիզա ՍՈՒՔԻԱՍՅԱՆ
