Aravot.am-ը իր ընթերցողներից հետաքրքրվել էր, թե արդյոք համարո՞ւմ են, որ Հայաստանում ընտանեկան բռնությունը լուրջ խնդիր է, եւ պետության միջամտության կարիքը կա` օրենքի տեսքով:
Հարցման մասնակիցները ունեին պատասխանի 4 հնարավորություն՝ «Այո, շատ լուրջ խնդիր է, եւ մեզ պետք է օրենք ընտանեկան բռնության մասին», «Ոչ, կանայք հայ հասարակության մեջ միշտ էլ հարգված են եղել», «Ամեն ընտանիք իր գաղտնիքներն ունի, պետք չի մտնել մատի ու մատանու արանքը», «Վստահ չեմ, բայց վերջին շրջանում բռնությունների թիվը խոսում է այն մասին, որ ինչ-որ բան պետք է անել»:
Հարցմանը մասնակցել է 295 օգտատեր: Եվ այսպես՝ հարցման մասնակիցների 4 տոկոսը կարծում է, որ կանայք հայ հասարակության մեջ միշտ էլ հարգված են եղել, 5 տոկոսը վստահ չէ, բայց կարծում է, որ բռնությունների թիվը խոսում է այն մասին, որ պետք է ինչ-որ մի բան անել: Հարցվածների 42 տոկոսը կարծում է, որ ընտանեկան բռնությունը լուրջ խնդիր է, եւ պետք է օրենք ընտանեկան բռնության մասին: Իսկ հարցվածների մեծամասնությունը՝ 49 տոկոսը, կարծում է, որ ամեն ընտանիք իր գաղտնիքներն ունի. պետք չէ մտնել մատի ու մատանու արանքը:
ԱՄԻ ՉԻՉԱԿՅԱՆ
«Առավոտ»
12.07.2017
