Վարչապետ Կարեն Կարապետյանն այսօր կառավարության նիստում հիշեցնելով նախորդ նիստերում տված հանձնարարականը՝ կարկուտից տուժած համայնքներում ուսումնասիրություն անելու եւ լուծումներ գտնելու վերաբերյալ, ասաց, որ կառավարությունը վեր է հանել ոչ միայն կարկտահարությունից այլ նաեւ տարվա ընթացքում տեղի ունեցած ցրտահարությունից, սելավներից, ցրտահարությունից էապես տուժած համայնքների հողօգտագործողներին պետական աջակցության տրամադրման հնարավոր տարբերակները:
Վարչապետը հանձնարարեց գյուղատնտեսության, տարածքային կառավարման եւ զարգացման նախարարներին, Ջրային տնտեսության պետական կոմիտեի նախագահին եւ մարզպետներին մեկամսյա ժամկետում ձեռնարկել անհրաժեշտ միջոցներ՝ հողի հարկը, ոռոգման ջրի ձեւավորված հասույթը, պետական աջակցության շրջանակներում տրամադրված սերմերի դիմաց վճարման ենթակա գումարները, նշված տարերային աղետներից 80-100 տոկոս տուժած համայնքների հողօգտագործողներին, ըստ ներկայացված հայտերի զիջելու նպատակով:
Լուսինե ԲՈՒԴԱՂՅԱՆ
