Էրեբունի և Նուբարաշեն վարչական շրջանների ընդհանուր իրավասության դատարանում Խորենացի փողոցին հարող` Գլինկա և Որմնադիրներ փողոցների հատման վայրում մի խումբ անձանց հետ ոստիկանների նկատմամբ բռնություններ կատարելու մեջ մեղադրվող Սարգիս Աբաջյանի եւ Կարեն Վանոյանի գործով դատական նիստն այսօր տեղի չունեցավ:
Թեեւ ամբաստանյալներն արդեն դատարան էին բերվել, բայց պաշտպան Անժելա Հոբոսյանի չներկայանալու պատճառով հետաձգվեց:
Տիկին Հոբոսյանն ավելի ուշ ասաց, որ տեղյակ չի եղել այսօրվա նիստի մասին, այս գործը նոր է իրեն փոխանցվել:
Հիշեցնենք, որ ըստ մեղադրական եզրակացության՝ Սարգիս Արաբաջյանին եւ Կարեն Վանոյանին մեղադրանք է առաջադրվել այն բանի համար, որ նա 2016թ. հուլիսի 19-ին ժամը 20:00-ի սահմաններում, Երևան քաղաքի Մովսես Խորենացի փողոցին հարող` Գլինկա և Որմնադիրներ փողոցների հատման վայրում մի խումբ անձանց հետ, առողջության համար վտանգավոր բռնություն են գործադրել ՀՀ ոստիկանության ՊՊԾ գնդի տարածքի գրավման կապակցությամբ քաղաքացիների անվտանգությունն ու հասարակական կարգի պահպանությունն ապահովող, իրենց ծառայողական պարտականությունները կատարող, իշխանության ներկայացուցիչ համարվող ՀՀ ոստիկանության մի շարք ծառայողների նկատմամբ:
Հաջորդ նիստը նշանակվեց օգոստոսի 9-ին:
Արփինե ՍԻՄՈՆՅԱՆ
