Լոս Անջելեսում մեքենան մխրճվել է ամբոխի մեջ, ինչի հետևանքով առնվազն 8 մարդ վիրավորվել է: Այս մասին հաղորդում է Los Angeles Times-ը՝ վկայակոչելով քաղաքի հրշեջ պաշպանության վարչությանը:
Դեպքը տեղի է ունեցել կիրակի՝ տեղի ժամանակով 15:47-ի սահմաններում՝ Միդ Ուիլշեր արվարձանում:
Հաղորդվում է, որ մեքենան մխրճվել է 9 մարդու մեջ, սակայն նրանցից մեկին հաջողվել է խուսափել լուրջ վնասվածքներից: 8 մարդ տեղափոխվել է հիվանդանոց, նրանցից մեկը գտնվում է ծանր վիճակում:
Լոս Անջելեսի ոստիկանության ներկայացուցիչ Ռոսարիո Էրարան հայտնել է, որ մեքենայի վարորդը մնացել է դեպքի վայրում, դեպքը քննվում է որպես դժբախտ պատահար:
Պատրաստեց՝ Վիկտորյա ԱՆԴՐԵԱՍՅԱՆԸ
