Բնապահպանական պետական տեսչության կողմից 24.07.-28.07.2017թթ. ժամանակահատվածում իրականացված շրջայցերի, ԲՊՏ վարույթին հանձնված գործերի քննության և հաշվետվությունների ընդունման գործընթացում հայտնաբերված խախտումների արդյունքում կայացվել է 1.58 մլն.դրամ ընդհանուր գումարի վարչական տուգանքի 22 որոշում և հաշվարկվել 1.82 մլն.դրամ ընդհանուր գումարի շրջակա միջավայրին հասցված վնաս:
Մասնավորապես`
Բուսական աշխարհի պահպանության ոլորտ
Կազմվել է վարչական տուգանքի 10 որոշում 500 հազ. դրամ և հաշվարկվել է 1.36 մլն գումարի շրջակա միջավայրին պատճառված վնաս, որից՝
Լոռու տարածքային բաժինը «Հայանտառ» ՊՈԱԿ «»Լալվարի անտառտնտեսություն» մ/ճ–ի կողմից կազմված անտառխախտման արձանագրության հիման վրա /ապօրինի հատվել է 9 ծառ/ կայացրել է 50.0 հազ.դրամի վարչական տուգանքի 1 որոշում և հաշվարկվել է 75.0հազ.դրամի շրջակա միջավայրին հասցված վնաս:
Լոռու տարածքային բաժինը ՀՀ ոստիկանության ԼՄՎ Գուգարքի բաժնից ստացված անտառխախտման որոշման հիման վրա /ապօրինի հատվել է 2 ծառ/ կայացրել է 50.0հազ. դրամի վարչական տուգանքի 1 որոշում և հաշվարկել է 108.0հազ.դրամի շրջակա միջավայրին հասցված վնաս:
Սյունիքի տարածքային բաժինը «Հայանտառ» ՊՈԱԿ «Կապանի անտառտնտեսություն» մ/ճ–ի կողմից կազմված անտառխախտման արձանագրության հիման վրա /ապօրինի հատվել է 8 ծառ/ կայացրել է 50.0հազ.դրամի վարչական տուգանքի 1 որոշում և հաշվարկել է 261.0հազ.դրամի շրջակա միջավայրին հասցված վնաս:
Տավուշի տարածքային բաժինը «Հայանտառ» ՊՈԱԿ անտառտնտեսությունների մասնաճյուղերից ստացված ապօրինի ծառահատման /հատվել է 20 ծառ/ 5 դեպքի համար կայացրել է 250.0հազ.դրամ ընդհանուր գումարի 5 որոշում և հաշվարկել է 479.88 հազ.դրամ ընդհանուր գումարի շրջակա միջավայրին հասցված վնաս:
Երևանի տարածքային բաժնի աշխատակիցների ստուգայցերի արդյունքում 2 իրավախախտի նկատմամբ` /հատել են 6 ծառ/ կայացվել է 100.0հազ.դրամ ընդհանուր գումարի վարչական տուգանքի 2 որոշում և հաշվարկվել է 435.0հազ.դրամ ընդհանուր գումարի շրջակա միջավայրին հասցված վնաս:
Ապօրինի որսի իրականացման համար
Կազմվել է վարչական տուգանքի 1 որոշում 50.0հազ. դրամի, առգրավվել է 16.0կգ/53 հատ/<սիգ> տեսակի ձուկ, 1.6կգ խեցգետին, 4 հատ խեցգետնաորսիչ:
Որից`
Գեղարքունիքի տարածքային բաժինը «Սևան ԱՊ» ՊՈԱԿ-ի հետ հայտնաբերել է տիրազուրկ 53 հատ /16.0կգ/ <սիգ> տեսակի ձուկ, ինչն օրենքով սահմանված կարգով հանձնվել է «Գավառի մանկատուն» ՊՈԱԿ:
Շիրակի տարածքային բաժնի աշխատակիցների ստուգայցերի արդյունքում հայտնաբերվել է ապօրինի որսի մեկ դեպք: Կայացվել է 50.0հազ.դրամի վարչական տուգանքի 1 որոշում, առգրավվել է 4 խեցգետնաորսիչ, իսկ 1.6կգ առգրավված խեցգետինը կենդանի վիճակում բաց է թողնվել ջրամբար:
Փայտանյութի ապօրինի տեղափոխում
Կազմվել է վարչական տուգանքի 7 որոշում` 700.0հազ.դրամի և հաշվարկվել է 462.5հազ.դրամի շրջակա միջավայրին հասցված վնաս,որից`
Տավուշի տարածքային բաժինը ՀՀ ոստիկանության բաժիններից ստացած արձանագրությունների հիման վրա 7 իրավախախտի նկատմամբ կայացրել է 700.0հազ.դրամ ընդհանուր գումարի վարչական տուգանքի 7 որոշում և հաշվարկվել է 462.5հազ.դրամ ընդհանուր գումարի շրջակա միջավայրին հասցված վնաս:
Բնապահպանական և բնօգտագործման վճարների եռամսյակային հաշվետվությունները սահմանված ժամկետում չներկայացնելու համար
Կազմվել է վարչական տուգանքի 2 որոշում՝ 100.0հազ. դրամի, որից՝
Արարատի տարածքային բաժնի կողմից 1 տնտեսվարողի նկատմամբ կայացվել է 50.0հազ.դրամի վարչական տուգանքի 1 որոշում:
Կոտայքի տարածքային բաժնի կողմից 1 տնտեսվարողի նկատմամբ կայացվել է 50.0հազ.դրամի վարչական տուգանքի 1 որոշում:
Բնության հատուկ պահպանվող տարածքների պահպանման ռեժիմի խախտման համար
Կազմվել է վարչական տուգանքի 1 որոշում` 80.0հազ.դրամի, որն է`
Գեղարքունիքի տարածքային բաժինը ՀՀ ոստիկանության Ճամբարակի բաժնից ստացված արձանագրության հիման վրա մեկ ֆիզիկական անձի նկատմամբ կայացրել է 80.0հազ.դրամի վարչական տուգանքի 1 որոշում:
Հողերի պահպանության ոլորտ
Կազմվել է վարչական տուգանքի 1 որոշում` 150.0հազ.դրամ գումարով,որից`
Գեղարքունիքի տարածքային բաժնի աշխատակիցների ստուգայցերի արդյունքում հայտնաբերված 1 դեպքի համար իրավախախտի նկատմամբ կայացվել է 150.0հազ.դրամի վարչական տուգանքի 1 որոշում:
Ընդհանուր առմամբ ԲՊՏ կիրառված պատժամիջոցներից նշված ժամանակահատվածում ՀՀ պետական բյուջե է մուտքագրվել 0.8մլն.դրամ գումար:
ՀՀ բնապահպանության նախարարություն
