Այսօր Սարաեւոյում կայացավ հունահռոմեական ըմբշամարտի Եվրոպայի պատանեկան առաջնության վիճակահանությունը: Որոշվեցին մեկնարկային օրվա զույգերին: Առաջին օրը մրցագորգ մտնելու է մեր թիմի հինգ ըմբիշ: Նրանց մրցակիցներն են.
42 կգ՝ Դիմիտրի Խաչիձե (Վրաստան)-Գառնիկ Հովհաննիսյան
50 կգ՝ Մերտ Իլբարս (Թուրքիա)-Հայկ Ասատրյան
58 կգ՝ Աշոտ Կիրակոսյան-Նաթանիել Ֆիլիպս (Շվեդիա)
69 կգ՝ Դիմիտար Իլիեւ (Բուլղարիա)-Սարգիս Թադեւոսյան
85 կգ՝ Տիգրան Համբարձումյան-Կիրչո Ստոյանով (Բուլղարիա)
Հայաստանը տասը քաշային կարգերից միայն 100 կգ-ում ներկայացուցիչ չունի: Հավաքականի ավագ մարզիչ Գագիկ Խաչատրյանը մեկնելուց առաջ ՀԱՕԿ լրատվականին ասել էր, որ այդ քաշի մարզիկը պատրաստ չէ եւ, ընդհանրապես, ծանր քաշերում խնդիրներ միշտ ունենում են:
Աշոտ ՀԱԿՈԲՅԱՆ
Լուսանկարը՝ armnoc.am-ի
