Դավիթ Սանասարյանը իշխանություններին հիշեցնում է Նյուտոնի 3-րդ օրենքը
Քաղաքացիական ակտիվիստ Դավիթ Սանասարյանը օրերս հայտարարեց, որ Հայաստանում ով որակներ ունի պայքարելու, ով պատրաստակամություն ունի ռեժիմի դեմ պայքար տանելու, բնականաբար հայտնվում է իշխանության թիրախում եւ լինում է քաղբանտարկյալ:
«Առավոտը» նրան հարցրեց՝ մարդկանց քաղաքական հայացքների համար դատապարտելն ավելի շատ վնաս չի՞ տալիս իշխանություններին, ցուցանիշներ են ընկնում ի վերջո, նա պատասխանեց. «Տրամաբանությունը դա պետք է հուշի, բայց իրենք այլընտրանք չունեն, իրենք կարծում են, որ եթե ճնշումները չիրականացնեն, ժողովուրդը փողոց դուրս կգա, ու իրենք կկորցնեն իշխանությունը: Ընդհանրապես տրամաբանությունը հակառակն է: Իրենք տեսել են, որ ժողովուրդը համբերատար հետեւում է պրոցեսներին: Իրենք մոռանում են Նյուտոնի երրորդ օրենքի մասին, որ ցանկացած ազդեցություն հակազդեցության է բերում: Եթե գոնե այս պահին հակազդեցություն չկա, ազդեցությունը խորանում է, եւ հակազդեցությունը ավելի վտանգավոր է լինելու իշխանության համար»:
Հ. Ջ.
«Առավոտ»
25.07.2017
